Simone De Beauvoir û Twitvanên Flörtoz

Bawerim her kes Simone de Beauvoirê nas dike. Jina egzistansiyalist. Hevalê Jean Paul Sartreyê xoşewista Nelson Algrenê. Bedew bêjî bedew, baqil bêjî baqil. Her kes heyranê wê ye ew jî heyranê hemû mêrên qeşeng e. Sartre û Beauvoir li zaningehê hev nasdikin. Têkilîyek navbera van da dest pê dike û heta Sartre dimire jî têkilîya wa dewam dike. Ji êvîna wan ra dibêjin êvîna sedsalê. Îja Sartre. Sartre hurik murik e nerind e ber Camusê weke beqa dixuye lê têra xwe jî tolaz e merûmê. Neyse, Simone û Sartre bi jiyana xwe’y taybet tê nasîn. Gelek azad in.

Min wetrê twitira Simonê hebûya yê bimeşiya her kesê, Elon Musk, Sean Carroll,  David Shiffman, Adullah Keskin her weke din. ( xwedê kirî nemeşîyaye Ciwan Haco) Li DMê ji hezkiriyên xwe ra gelek tiştên xweş bigota;

Elon! Delalê ber dilê min. Dixwazim li erebeya ku te şand fezayê da bi tera bi seheta rûnim. Bi hevaltîya te serbilind im. Te dixwazim!

Evdile! Prensê min! Mêrê min ê Kurd ! Gava bi te ra me nizanim wext çawa derbas dibe. Bêrîya nerîna te ya kurdî dikim, ew awirên ku mirov mest dike!

 Lê tabi ya ku Simone dike ne sapixtî ye, entelektuelê ye. Çimkî ew zana ye jîr e ji jiyana azad bawer dike felan bewan. (ku yek ji me wisa bike emê wê/î bidin ber guleyan). Gelek tişt li ser Xanimê hatye gotin, bi piranî jî dibên ya ku ewna dikin sapixtî ye. Ez? Bixwedê nizanim. Ez bixwe wisa nakim û kesên dikin jî min eleqeder nakin. Lê dîsa jî ji Simone hez nakim.

Em bên li ser  meseleyê.  Em ji muhebetê hez dikin. Lê ji ber hin pirsgireka em ciwanên kurd nikarin wilo rihet têkilî danîn.  Û medya civakî jî tiştek ecêbe, dikarî xwe li gor dile xwe nişanî her kesê bidî; dewlemend, zana, entelektuel, pispor, qeşeng, bedew hwd. Li ser psîkolojîya me jî gelek bibandor e hinde hinek difirîne hinek dixe depresyonê. Her çilo be jî em jê hez dikin. Em neheqî nekin carna bi saya twiterê tiştên xweş jî dibe. Li taxa kurdên twiterê da her kes hev nas dike, hevaltîya me xweşe. Hinek ji me di jiyana resen da jî tên ba hev. Hinek ji me ev hevaltî gavek pêş dixin dibin flörtên hev. Hinek me dibin flörvan, bi dehan kesê ra di heman demê da flörtê dikin. Hinek ji me jî tifal in tu flörtên wan nîne.  Ha mesele çi bû flörtên kurdî. Erê Kurd weke her tiştên xwe flörtên xwe jî  bi kurdî dikin da ku nebêjin bi kurdî flört naye kirin.

Çen minak bo flörtên kurdî;

Kecik; Te îro qe çi kir (emojîya devbiken)

Lawik; Kar û bar. Niha pir westîya me dixwazim serê xwe danîm ser çoka te (emojîya devbiken)

Keçik;  Tu bi mi ra çawa xeberdidî?!  Ez ne keçikek wisa me!

---

Lawik; Ka wêneyek xwe bişînê lê (emojîya devbiken)

Kecik ; Wêne ? Tu min çi dihesibînî ? Niha tu ji her kesê wêne dixwazî ne?

Lawik, Tobe be. Min xwast çavên te yê reş û belek bibînim delalê. ( emojiya xemgîn)

Keçik; Temam lo va dişinim lê paşê jê bibe min emre xwe tiştek wilo nekirye. (emojîya şermoke)

---

Lawik; Keça kurda tu kurmancî nizanî ? (emojîya devbiken)

Keça kurda; Akademik Kürtçesi olanlara bayılıyorum ya (emojîya devbiken)

Lawik; Dixwazî hîne te kim? (emojîya devbiken) Bê ziman jiyan nabe gere em kurd taybetî jin zimanê xwe biparezin. Eeee qe wêneyên te ên nude hene ? (emojîya şermoke )

Keca Kurda ; têkeve twiterê>profila lawikê sapix veke>wî asteng ke> li taymê binivîsîne> ne çok sapık var.

---

Keçik ; Rehma xwedê li ser te be roja te bi xêr çi dikî ? (emojîya devbiken)

Lawikê sapix; -ber xwe da- aaa daz ist şöönnn ohhh ahhhh yeaaahh wundebahh. -ji keçikê ra-  ji te rica dikim ji mi ra peyam neşîne biqeşte!!!

Lawikê sapix grûpa wpê da; ew keçik har e yaw herro herro ji mi ra peyam dişine wê asteng kin bila here.

Keçika reben xwe kuşt.

---

Keçik; Edî em bûn xoşewita hev? ( emojiya şermoke)

Lawik; Erê. ( emojiya şermoke)

Keçik; Te ji kesê ra go yan? ( emojiya şermoke)

Lawik; Na min hê negotye. Ezê paşê bêjim. ( emojiya devbiken )

Keçik; Jixwe tu ji min hez nakî ku tu hez bikira niha te ji her kesê ra gotibûy!

Lawik; shjç,adağp,’^+%VKD

---

Lawik; emojiya devbiken.

Keçik; ?

Lawik; Te twita min fav kir ( emojiya devbiken)

Keçik; ?

Lawik; Kêfa te jî ji mi ra tê. Yan na çima twita min fav bikî ? ( emojiya devbiken) 

Kecik; 

---

Lawik; Silav

Keçik; Çi dixwazî?!

Lawik; Qe tiştek (emojiya mehde tirş)

Keçik; Bese! Me tacîz mekin êdî! (emojiya soromoro)

Ko hewce bike dikarin van taktîka bêyî destura min bi kar bînin. Serkefin